Баланың ғаламтордағы қауіпсіздігі!

Қазіргі таңда ғаламтор – білім алуға, қарым-қатынас жасауға және қызықты ақпараттармен танысуға таптырмас құрал. Алайда, интернетті дұрыс пайдаланбаса, ол қауіпті болуы мүмкін. Сол себепті ғаламторда қауіпсіз болу үшін келесі ережелерді есте сақтау қажет:
1.    Жеке ақпаратты жариялама – аты-жөніңді, мекенжайыңды, телефоныңды, мектеп туралы мәліметтерді бейтаныс адамдармен бөліспе.    
2.    Бейтаныс адамдармен сөйлеспе – егер сен танымайтын адам хабарласса, оған жауап бермей, бұл туралы ата-анаңа немесе мұғалімге айт.    
3.    Күмәнді сілтемелерге өтпе – белгісіз сайттарға кірме, вирус жұқтырып алуың мүмкін.    
4.    Парольді құпия ұста – өзіңнің құпия сөзіңді ешкімге айтпа, тіпті достарыңа да.    
5.    Желіде сыпайы бол – басқа адамдарға дөрекі сөз жазба, біреуді ренжіту – кибербуллинг болып саналады.
Ғаламтор – егер оны дұрыс қолдансаң, сенің сенімді досыңа айналады. Ақпаратты тек ресми және сенімді көздерден іздеуді ұмытпа!